वैष्णोदेवी मंदिरात चेंगराचेंगरी; १२ भाविकांचा मृत्यू, २० जण जखमी 

लाखो भाविकांचं श्रद्धास्थान असलेल्या वैष्णोदेवी मंदिरात नव्या वर्षाच्या पहिल्याच दिवशी दुर्दैवी घटना घडली आहे. दर्शनासाठी झालेल्या गर्दीमुळं अचानक चेंगराचेंगरी होऊन १२ भाविकांचा मृत्यू झाला आहे. यात दोन महिलांचा समावेश आहे. या घटनेत २० हून अधिक लोक जखमी झाले आहेत. जखमींना देवस्थानच्या नारायणा रुग्णालयात दाखल करण्यात आले आहे. जखमींपैकी दोघांची प्रकृती चिंताजनक आहे.