सातारा पालिकेच्या पॉवर हाऊस येथे वीस मेगावॅटचे उपकेंद्र मंजूर

खासदार उदयनराजे भोसले यांच्या विशेष प्रयत्नातून सातारा नगरपालिकेच्या पॉवर हाउस येथील जागेमध्ये वीस मेगावॅट वीज निर्मितीचे उपकेंद्र मंजूर करण्यात आले आहे. या प्रकल्पासाठी महावितरणच्या माध्यमातून पाच कोटी रुपये उपलब्ध करून देण्यात आले आहेत. या कामाची लवकरच सुरुवात होणार असून या उपकेंद्रामुळे सातारा शहर आणि लगतचा ग्रामीण परिसर लोडशेडिंग मुक्त होण्यास मदत होणार आहे.