सरकारी कामात अडथळा केल्याने आरोपीस तीन महिन्यांची कैद

सरकारी कामात अडथळा आणण्याचा गुन्हा शाबित झाल्याने दोन आरोपींना अनुक्रमे तीन महिने साधी कैद व दहा हजार रुपये दंड आणि दुसऱ्या आरोपीस तीन महिने साधी कैद आणि पाच हजार रुपये दंड, अशी शिक्षा सुनावण्यात आली. दुसरे अतिरिक्त जिल्हा सत्र न्यायाधीश एस. आर. सालकुटे यांनी ही शिक्षा सुनावली. याप्रकरणी एकूण चार साक्षीदार तपासण्यात आले.