सज्जनगड परिसरात आढळलेल्या बिबट्याच्या बछड्याला मिळाली आईची कुस

सज्जनगड, ता. सातारापासून 10 किलोमीटरवर असणाऱ्या परिसरात दीड महिने वयाचा नरजातीचा बिबट्याचा बछडा आढळून आला होता. सातारा वनपरिक्षेत्र अधिकारी डॉ. निवृत्ती चव्हाण आणि सह्याद्री प्रोटेक्शन ग्रुप यांच्या संयुक्त सहकार्याने या बिबट्याला त्याच्या आईचा सहवास मिळाला. मादी बिबट्या त्याच्या पिल्लाला घेऊन डोंगरालगतच्या घनदाट जंगलात निघून गेली.