शेळ्या-मेंढ्यांच्या विनापरवाना वाहतूक प्रकरणी दोघांवर गुन्हा

मलकापूर, ता. लारद येथे पुणे-बेंगलोर राष्ट्रीय महामार्गावरील सागर हॉटेल समोर शेळ्या-मेंढ्यांची विनापरवाना वाहतूक केल्याप्रकरणी कराड पोलिसांनी दोघांना ताब्यात घेतले. गुरुवारी ३० रोजी ही कारवाई करण्यात आली. तसेच वाहतूकीसाठी वापरण्यात आलेला ट्रकही पोलिसांनी ताब्यात घेऊन याप्रकरणी शहर पोलिस ठाण्यात गुन्हा नोंद करण्यात आला आहे.